Kameleon tekstildesign Galleri Teppe i lappeteknikk, applikasjon, foto på stoff, kameleonquiltar og kirketekstiler laga i 2005

Kinn

	Bestilt som ein bursdagspresang til ein person som har budd på øya Kinn, der motivet til maleriet er henta frå. Eg fekk tilsendt foto av maleriet i ein mail, og vart øyeblikkelig begeistra for fargane. Gledde meg til å sy dette heile tida mens eg gjorde ferdig ein del andre prosjekt some var før i køen.
	Fotoet vart printa ut i all sin fargeprakt og hengt bak sybordet. Så var det å leite gjennom stoffsamlinga etter stoff som kunne passe. Batikkstoff gjer seg godt til landskap.
	I Corel Photo Paint brukte eg eit filter kalla Edge Detect for å framheve konturane i landskapet. Dette vart printa ut speilvendt i A3 format, og eg gjekk så over hovudlinjene med ein tusj. Dette brukte eg så til å teikne over på vlisofix, som igjen vart festa på stoff, klipt ut og sidan festa på eit stoffunderlag. Her tek himmelen og fjella form.
	Her blir stoffbitar til sjøen, steinane og speilbileta prøvd ut. Det hjelper å fotografere underveis for så å kunne sjå det på dataskjermen, - ein får litt 'avstand' til arbeidet på den måten. Eg måtte gjette meg til detaljane som var skjult bak refleksen av blitslyset.
	Prøvar ut meir av speileffektane i vatnet. Sidan maleriet har ein del kraftige konturar, valde eg å sy hovudformene i landskapet med tett sikksakk og deretter sy med frihand dei mindre detaljane.
	Bildet fekk ei mørk ramme før det vart quilta og sett på grøn lukkekant.