Kameleon tekstildesign Galleri Teppe i lappeteknikk, applikasjon, foto på stoff, kameleonquiltar og kirketekstiler laga i 2005

I Kulden Utanfor

	Eg ville jobbe meir med småbitar som vi gjorde på kurset med Edmund Cluett, men ville prøve å få til eit større arbeid. For mange år sidan såg eg Dirkje Van der Horst-Beetsma demonstrere korleis ho sydde collage av småbitar, og bestemte meg for å bruke same metoden med ei broderramme med metallfjøyr.
	Eg hadde eit vintermotiv i tankane, - eit einsleg vindauge som einaste lyspunkt i ein mørk skog. På eit stoffunderlag ca 60 x 60 cm, som ville bli ferdig størrelse, merka eg opp konturane av huset, pluss omtrentleg områda der det lyser på snøen.
	Så byrja eg å fylle ut underlaget med lyse, mellom og mørke blå stoffbitar.
	Huset vart sydd av striper og sydd på bakgrunnen seinare. Her prøvar eg ut størrelsen. Vindauget måtte vere mykje mindre enn eg hadde tenkt, - dette her er altfor stort.
	Eg la til sides stoffbitar med stjerner og prikkar og brukte dei til himmelen. Teppet fekk ei mørk blå ramme før eg quilta greiner og trestammar på begge sider av huset. Teppet er no ein del av den Europeiske Quilt Association si Koffertutstilling 2006